tolosazerozabor

Badator Mundumob!

tolosazerozabor — Mon, 13 May 2013 09:39:43 +0000

Ikusi Gipuzkoa Zero Zaborren atal berezia. http://www.gipuzkoazz.com/zerozabor/ekimenak/mundu-mob/

Auzokonposta Tolosan da jada

tolosazerozabor — Mon, 29 Apr 2013 16:17:24 +0000

Tolosako zenbait tolosar hasi dira jada autokonposta egiten Alliri eta Izaskun auzoetan ezarri diren guneetan. 130 bizilagun baino gehiagok, beren borondatez, hemendik aurrera etxean sortzen duten hondakin organikoa konpost guneetara eramango dituzte. Gune hauek udaletxeak jarri ditu, zenbait bizilagunen eskariz. Gisa honetara Tolosako Zero Zaborrek auzokonposta egiteko hasi zen kanpainak bere lehen fruituak ikusi ditu.

Laster Amaroz auzoko bizilagunek ere izango dute aukera auzoan bertan hondakin organikoak uzteko. Espero dugu laster, izandako arrakasta ikusirik, gainerako auzoetan ere jarriko dituztela konposta guneak.

Tolosaldea txukun

tolosazerozabor — Mon, 29 Apr 2013 15:52:49 +0000

Nekane Arsuaga, Jose Inazio Imaz, Iraitz Peñagarikano, Mikel Ugarte

Tolosaldea Zero Zabor

2013/04/23

Tolosaldea Txukun taldeak «informazio bilera» egin zuen Anoetan, “Atez Atekorik ez» lelopean (azpi-leloa «Modu egokian birziklatzearen alde, 5. edukiontziaren alde» izan zen), eta bertan izan ginen. Penagarria eta tamalgarria izan zen bertan entzundakoa eta bizitakoa. Patxi Amantegi hizlariak, jendearen instintu baxuenak (beldurra, haserrea) xaxatu zituen, egiak balira bezala aurkeztutako ideia tranpatien bidez. Eztabaida honen muinean ekologia eta osasuna daude gure ustez, baina nonbait Tolosaldea Txukun antolatu dutenen interesak beste batzuk dira, bestela ezin baitaiteke ulertu bilera horren helburua.

Hizlariak eskualdeko hainbat herritan proposatu den hondakin bilketa sistemaren aldaketa kritikatzeko erabiltzen duen ildoetako bat gaikako bilketari buruzko datuen gerra da. Bere ustez, 5. edukiontziarekin ere %70 jaso daiteke ondo eginez gero. Hipotesia frogatzeko hiruko erregela matematiko bat erabiltzen du gainera: hondakinak hiru taldetan banatzen ditu (%40 momentu honetan gaika sailka genezakeena, %40 organikoa eta %20 errefusa); dagoeneko hondakin kopuru absolututik %30 ondo biltzen ari bagara, organikoaren bilketan ere portzentaje berdina lor daiteke bere ustez, atez atekoaren gaikako bilketa maila berdineraino iritsiaz.
Publikotik berehala gogorarazi zioten, urteak daramatzala 5. edukiontziak Gipuzkoako hainbat herri eta auzotan, eta emaitzak ez direla %40ra iristen (hizlariak onartu egin behar izan zuen datua noski, frogatua eta publikoa baita).

Kritikarako bigarren argumentua inposizioarena izan zen. Gure ustez, puntu honetan ohartu behar dugu jokoan dagoena oinarrizko eskubide bat dela: ingurune osasungarri batean bizitzearen eskubidea. Inork ez dauka eskubiderik beste inor zabortegi kutsakor baten ondoan ala errauste-planta baten ondoan bizitzera behartzeko, jakinik ekidin daitekeela (Gipuzkoako planak jasotzen du nola). Erabaki beharreko aukerek hori bermatu behar dute.

Bestetik, erabakia hartu behar duen subjektuari buruz ere hitz egin beharko litzateke: A herriak ez dauka eskubiderik B herrira ze zabor eramango duen erabakitzeko, hori erabakitzekotan B herriak erabaki behar du. A herrian galdera egitea proposatzen duenak esaten ari da B herrian zaborra derrigorrez jaso beharko dutela, eta horrek bi mailatako herritarrak egotea bultzatzen du. Herri batek ezin du erabaki bere zaborrak aldameneko beste batera eramatea han erretzeko. Anoeta eta Irurako herritarrok ezin diegu inposatu Zubietakoei gure zaborrak han erretzea. Hori ez da inondik ere demokratikoa eta gutxiago justua.

XXI. mendeko Euskal Herrian ez luke egon behar kutsatzeko eskubiderik, alternatibak ezagunak direnean eta frogatuta daudenean. Mendian zaborra botatzeko eskubiderik ez daukagun bezala. Gaika ahalik eta gehien biltzea betebehar bat da herritar guztiontzat.

Tolosaldea Txukunek eskualdeari sinetsarazi nahi dio libreak garela gai honetan nahi duguna aukeratzeko. Baina ez da horrela. Bi aukerak honakoak dira: (a) Auzo-konposta eta atez ateko bilketa sistema, edo (b) 5. edukiontzia eta makro-errauskailu bat Tolosaldetik 20 kilometrora. Nahiz eta Patxi Amantegik hitzaldian makro-errauskailuaren arazoa modu erraz batean konpontzen duen: «hori beste arazo bat da, eta ez gara etorri hona horri buruz hitz egitera». Gure ustez, ordea, eztabaida horretan zaborren arazoa bere osotasunean ikustea ezinbestekoa da, bai bilketa eta bai tratamendua, eta banatu ezin diren arloak dira, arazoaren osotasuna hartu behar da kontuan.

Eta jendeari esan behar zaio 5. edukiontziarekin berdin-berdin banatu beharko lukeela organikoa (Patxi: zergatik erabiltzen duzu orduan etxean kubo gehiegi eduki behar diren argumentua sistema berrien aurka?), eta ordutegiak eta kontrolak ere berdin-berdin egon beharko liratekeela. Hizlariak berak onartu zuen hori, nahiz eta ez jakin erantzuten 5. edukiontziarekin nola kontrolatuko lukeen nork banatzen dituen hondakinak eta nork ez.

Hondakinak biltzeko sistema berriaren aurkako hirugarren argumentua ekonomikoa da. Oso garestia omen da. Herrietan 12.000 euro gastatzen ari omen dira kuboetan. Patxi Amantegi jauna: (1) Zenbat kostatuko litzaioke Gipuzkoako herri bakoitzari Zubietako makro-errauskailua? Kostu totala behintzat badakigu, milioika euro. (2) Zergatik ez duzu esaten zenbat aurreztuko duen herri bakoitzak zaborrak errauskailuetara eta zabortegietara eramatea ekidinda? Usurbilgo Udalak 150.000 euro aurreztu ditu hondakinen bilketa eta kudeaketan 2012. urtean. (3) Sistema berri hauek lanpostuak sortzen dituztela onartu zenuen, eta hori ere zalantzan jartzen saiatu zinen (bilketa sistema mekanizatutik eskuzkora pasatzea atzerapausoa dela, ea nork egin nahiko duen lan hau krisia pasatzen denean…). Nola da hori posible? (4) Zenbat balio du aire garbia arnasteak?
Bilera horretan behintzat, hizlariak ez zuen hitz egin nahi izan estetika edo erosotasunari buruz, gai subjektiboak omen direlako. Baina bilera deitzeko erabili zuten kartelean, basura-poltsaz betetako posteen argazkiak jarri zituzten, jakinik Anoetan eta Iruran kuboetan bilduko dela. Gure ustez, fede txarrarekin jendea manipulatzea da hori, informatu beharrean.

Eta gure ustez, salagarriak dira bileran esandako beste batzuk ere. Adibidez, hizlariak modu ironikoan bota zuen Spora enpresa katalana Hernanin ezarri dela eta «oso ondo doakiola» (haien lana desprestigiatu nahian); publikotik norbaitek «¡a esos habría que fusilarlos a todos!» esan zuen, eta Amantegi jaunak bilera publiko batean horrelakoak moztu beharrean, «no, que son muchos» erantzun zion. Edo nola saiatzen den balio kentzen galdera «zailak» egiten dituztenei: «zuk jaisten al duzu basura? Ez dut uste…». Edo nola saiatzen den garrantzia kentzen Legorretan eta Lezon gertatutakoei: «bi poste bakarrik hautsi dira…» (publikotik gogorarazi zioten beste batzuk Auzitegi Nazionalera bidaltzen dituztela sabotaje ekintzengatik). Edo okerrena, bilera amaieran botatako beste bat: «berdintsu izango litzateke organikoa komunetik botatzea, Adunako kolektorean jasoko bailitzateke» (?).

Gure ustez planteamendu okerra bada ere, iritzi guztiak errespetagarriak dira, eta zilegi da atez atekoaren kontra egotea, baina birziklatzearen alde dagoela dioenak, zabor poltsa lurrean uzteko edota organikoa ibaira botatzeko esatea oso larria da, Tolosaldea Txukun-eko bozeramailearen ardura-falta handia erakusten baitu.

Gogoratu talde ekologista nagusiek (Eguzki, Ekologistak Martxan, Greenpeace) auzo-konposta eta atez ateko bilketa-sistemaren aldeko apustua egin dutela, eta Europar Batasunak Gipuzkoako hainbat herri hartzen ari garen bidea eredugarritzat jo duela.

Diferentziak diferentzia, ahalik eta hondakin gutxien sortu eta ahalik eta gehien birziklatzearen alde gauden guztiok ahalegina egin behar dugu helburuak bermatuz guztiontzat balekoak izango diren sistemak adosteko. Horretarako liskar giroa baztertu eta jarrera eraikitzailea eta elkarri entzutea beharrezkoa da. Zergatik ez saiatu?

Nola eman izena autokonposta egiteko?

tolosazerozabor — Wed, 28 Nov 2012 10:46:12 +0000

NOLA EMAN IZENA AUZOKONPOSTA EGITEKO?

Bidali guri zure datuak: Izena, etxeko kide kopurua, auzoa eta kontakturako telefonoa edo e-maila.

Bidaltzeko aukera hauek dituzue:

1-Larunbatean, abenduak 1, 12etatik aurrera Oargi elkartean eta goiz osoan Trianguloan izango gara.

2- E-mail bidez: tolosazerozabor@gmail.com

3- Facebook mezu pribatu bidez.

Animatu eta animatu auzokideak ere!

Auzokonposta Tolosan

tolosazerozabor — Wed, 28 Nov 2012 10:22:47 +0000

Gauza jakina da hiritarrok sorturiko hondakin ugariak arazo handia soposatzen duela, eta larriena hondakinen %45-a inguru den organikoak sortzen duela. Tolosaldeko beste zenbait herrietan jada bideratzen ari diren zenbait ekimen ikusirik eta Tolosa bertako bizilagun batzuk hala eskatuta, Tolosa Zero Zabor taldeak auzokonposta bultzatu nahi du Tolosan bertan.

Zero Zabor bidean ahalik eta zabor gutxien sortzeko erabat lagungarria izango da, nahi duten herritarrei hondakin organikoa norberak herrian bertan kudeatzeko aukera emanez, gainera parte hartzea bultzatuz.

Beraz, Udalari eskaera zuzena egiten diogu ekimen hau ahalbidetzen laguntzeko, baita honen funtzionamendurako formazio ikastaroak antolatu ditzan ere, beste herri askotan egin den bezala. Aldi berean interesaturik dauden herritarrei dei egiten diogu gurekin harremanetan jarri eta programan izena emateko. Jada jende dexentek interesa duela adierazi digu.

Hau dela eta, Tolosan datorren larunbatean, Abenduaren 1-ean, azokaren inguruan auzokonpostari buruzko postua jarriko dugula jakinerazten dizuegu, bertan konpostari buruzko erakusketatxo bat, auzokonpostari buruzko informazioa eta programan parte hartu nahi duenak izen emateko aukera izango du. Gainera 12-etan Oargi elkartean konpostari buruzko hitzalditxo bat antolatu dugu auzokonposta egiteko prest dauden Tolosarrentzat.

Besterik gabe, animatu eta parte hartu!

Auzokonposta

tolosazerozabor — Fri, 28 Sep 2012 11:01:34 +0000

Energumeno baten zigarroa

tolosazerozabor — Wed, 13 Jun 2012 10:45:06 +0000

Pello Zubiriak Argia.com blogean argitaratutako artikulua.

Galanta dabil zirkulatzen egunotan Tolosa Txukun taldekoek banatuta. Ez naiz ari azaleko eskariaz: “Atez Ateri ez!!! 5. Edukiontziari bai!!! Birziklapenari bai!!! Sinatu!!! Zu falta zara”, eskatzea libre. Azken orrialdean “Incineración / Salud” atala osatzen duten bost argudioetako bi honakoak dira: “Los fuegos artificiales de la Semana Grande de Donostia emiten a la atmósfera más elementos contaminantes que una incineradora durante todo un año” eta “Según estudio de la Universidad de Oviedo, el impacto sobre la salud de una incineradora moderna equivale a fumarse un cigarro al año“. Demagogiaren teoriko hark esan zuenez, nahi baduzu gezur bat eraginkorra izan dadin, ahalik eta handiena bota. Ez dira aleok gutxitan errepikatu Googlek hemen eta hemen edo hemen erakutsiko dizunez. Batzuetan aipatzen da iturritzat Javier Ansorenak eta Xabier Garmendiak idatzitako Gipuzkoako Hondakinen Kudeaketarako Plan Nagusia 2002-2016, baina PIGRUG famatuan kosta behar zaizu aurkitzea. Servei d’Incineració de Residus Sòlids Urbans de Tarragona, SA (SIRUSA) enpresa katalanak eskainitako Valorización Energética Residuos Urbanos PPTan Gipuzkoako Foru Aldundiaren seilua daraman 36. orrian daude bi harrikadak berdin-berdin, hor ere iturria falta, ordea. Oviedoko univertsitatearen ikerlanean, egiatan unibertsitate horretako eta beste batzuetako sei irakaslekCogersa partzuergoaren finantziazioarekin burututakoa den agirian, inon ez da ageri zigarretarena. Aterakaia ez zaio zor inolako mediku edo osasun ikerleri,Manuel Bao Iglesias ingeniari kimikoari baizik, Natura / Medioambiental blogeko elkarrizketa honetan dago: galdera, “¿Cuánto contamina una incineradora?“; erantzuna, “La emisión de dioxinas de la combustión de un cigarrillo es igual a la combustión de una incineradora en un año“. Gizona konplexurik gabe mintzo da: “Yo participé en el diseño de la planta de Sogama en Galicia, la sociedad que gestiona los residuos” eta aurreraxeago “Nadie ha conseguido superar el 24 por ciento de recuperación de basuras en el reciclaje“. Millán Astray jeneralak oka egin gabe oihukatu baldin bazuen “¡Muera la inteligencia!”, zigarretaren kirtenkeria ezin handiegia gertatu ingeniari energumeno batentzat. Milaka tona hiri hondakin nahasita kiskaltzen dituen labe erraldoiak baino kutsadura handiagoa sortzen dutela Donostiako su artifizialek eta zuk zeuk erre dezakezun zigarro batek. Jarri egin behar du paper batean eta banatu Gipuzkoako kaleetan 2012 urtean eta gainetik herritarrei firmatzea eskatu…

Igandean, zatoz Donostiara!

tolosazerozabor — Wed, 13 Jun 2012 07:45:27 +0000

AIRE GARBIAK BIRA NAZAN, ERRAUSKETARIK EZ!

tolosazerozabor — Mon, 11 Jun 2012 09:46:09 +0000

Tolosan apirilean egin ziren NATURALDIA jardunaldietan, konklusio komun batetara iritsi ziren bertan parte hartu zuten hizlariak;

Natur baliabideak agortzen ari garela, hemendik oso urte gutxitara goia joko dugula eta erantzukizun osoa dugula egoera honi buelta ematen hasteko.

Beste hausnarketa batzuk hauek izan ziren:

“Zer mundua utzi behar diegu gure seme alabei?” eta “Zer seme alaba mota utziko dizkiogu munduari?

Hondakinen gaira etorrita, Zubietan ERRAUSKAILUA eraikitzeak, mundua xahutzen jarraitzeko ereduarekin bat dator, behin eraikiz gero tonaka eta tonaka zabor beharko baitu bere izaera justifikatzeko.

Eredu lineala jarraituaz, natur baliabideen ustiapena + kontsumoa + zabor pilaketa + errausketa = kutsadura,aldaketa klimatikoa, gaixotasun larriak…minbizia…

Ez gaitezen engaina, proiektu hau ez dator askok aho handiz aipatzen duten produktuen murrizketa, birziklapen eta berrerabiltzearekin bat.

Gipuzkoarroi errauskailua egiteak 400 milioi euro kostatuko litzaiguke 20 urteetan zehar hipotekatuta geratuaz. Ez al dago beste lehentasunik diru hau inbertitzeko?

Europatik datozen irizpideei ez al diegu jaramonik egin behar?

Zaborra sortu eta sortu beharko genuke errauskailu hau elikatzeko.

Kutsaduraz ez da hitz egin nahi; ez da komeni, %70a airera tximinietatik eta %23 zepa toxikoetan doazela azaltzea. Beste batzuek diote ez dela kutsakorra, baina badaezpada ere ez dute bere etxearen ondoan nahi.

Zepa toxiko horientzat eraikiko al dugu Tolosaldea eder honetan zabortegi bat?

Tolosaldean jada jendartea aztoratua dabil Atez –Ateko bilketa sistema dela eta, komunikabideek eta politiko batzuen eskutik egin duten zabor kanpainaren ondorioz jendeak beldurra barruraino sartua dauka. Zenen beldurra?

Atez-Atekoa hondakinen %80 birzikla dezakeen sistema eraginkor bat besterik ez da. Orain arte ez da beste sistemarik asmatu emaitza hauek gainditzen dituena. Ez al litzake ona izango denon artean birziklapen kopuru horietara iristea norbera bere hondakinen arduradun eginaz?

Non dago gure erantzukizuna?

Badakizute Italian, Katalunian, San Franziskon eta beste hainbat lurraldeetan atez- atekoaren sistemak ondo funtzionatzen duela?

Aipatu,beste batzuek Gipuzkoako herri batzuetan, firma bilketak martxan jarri dituztela Atez –Atekoaren aurka eta 5.edukiontziaren alde.

Erraza da jendearen beldurraz eta informazio faltaz baliatuaz firmak biltzen hastea.

5.edukiontziaren bilketa sistema honek kasu hobenetan %35 birziklatzera iritsi daiteke, zer aterabide izango luke geratzen den %65 zaborrak? Erraustearena?

Pasa den aste honetan Europar parlamentuak, birziklagarriak diren gaiak erraustearen aurka eta zabortegi eta errauskailuak ez eraikitzearen aldeko mozioa aurrera eraman du 2020 urterako epea jarriaz.

Kontraesankorra, nolaz Gipuzkoan errauskailua eraikitzearekin tematuta dauden partidu politiko horiek, Europar parlamentuan Errauskailuak ez eraikitzearen eta ixtearen aldeko mozio honi bere babesa eman izatea.

Nahikoa dugu interes politikoetaz, noiz elkartuko gara arazo honi sustraietatik heldu eta denon artean konponbidean jartzeko?

Gu prest gaude elkarrizketarako, eta gonbidapena zabaltzen dugu partidu politiko guztiei eta batez ere Tolosaldeko herritar guztiei.

Agurtzeko, pentsamendu bat :

“Hainbeste saiatzen gara gure seme alabak etorkizunerako prestatzen. Baina, nahikoa egiten al dugu gure seme alaben etorkizuna prestatzerakoan?” Larry Chalfan

Tolosa eta Tolosaldeako Zero Zabor taldeak.

Las-os ponentes que participaron en las jornadas NATURALDIA celebradas en Tolosa en el mes de Abril, llegaron a una conclusión:

Que estamos agotando los recursos naturales y en un plazo muy corto de tiempo, unos pocos años, vamos a tocar techo y que es nuestra la responsabilidad de dar la vuelta a este proceso.

Estas fueron otras de las reflexiones:

“ ¿Qué mundo queremos dejar a nuestros hijos?” y “Qué clase de hijas e hijos queremos dejar al mundo?”

Al hilo de estas reflexiones y abordando el tema de los residuos, el hecho de construir la incineradora en Zubieta seguiría con el modelo de destrucción del que nos alertan, ya que una vez abierta necesitará ser alimentada con toneladas y toneladas de basura para justificar su razón de ser.

De seguir con este modelo lineal nos encontraremos con la siguiente fórmula: Explotación de recursos naturales+consumo+acumulación de basura +incineración= contaminación, cambio climático, graves enfermedades, cáncer…

No nos dejemos engañar, este proyecto no casa como muchos dicen y presentan con la reducción, el reciclado y la reutilización de los residuos.

Construir la incineradora nos costaría a las-los Gipuzkoanas-os 400 millones de euros, dejándonos hipotecados durante 20 años. ¿es que no hay otra prioridad para invertir este dinero? ¿no vamos a tener en cuenta las recomendaciones que nos vienen de Europa?

Necesitaríamos generar basura y más basura para alimentar la incineradora.

De la contaminación que provoca no se quiere ni hablar, no conviene que sepamos que el 70% iría al aire por la chimenea y que el 23% se quedaría en las cepas tóxicas.

Algunos dicen que la incineradora no es tóxica…pero por si acaso no la quieren cerca de su casa.

¿Construiremos en nuestra bella Tolosaldea un vertedero para las cepas tóxicas?

En Tolosa y Tolosaldea la gente no solo está inquieta con el sistema de recogida Puerta a Puerta, sino que además tras la sucia campaña que han realizado algunos medios de comunicación y algunas opciones políticas, lo que siente es incluso miedo. Pero, ¿miedo a qué?

El Puerta a Puerta no es más que un sistema de recogida de residuos que puede obtener un porcentaje de reciclado del 80%. Hasta ahora no existe otro sistema que equipare éstos resultados. No estaría bien que consiguiéramos llegar a ese porcentaje de reciclaje ¿responsabilizándonos cada una-uno de nuestros residuos?

¿Dónde queda nuestra responsabilidad?

Sabíais que en Cataluña, San Francisco y otros muchos territorios el sistema Puerta a Puerta ¿funciona sin ningún problema?

Mencionar, que algunas personas han puesto en marcha en algunos municipios de Gipuzkoa una recogida de firmas en contra del Puerta a Puerta y a favor del quinto contenedor.

Es fácil valerse del miedo de las personas y de la falta de información para comenzar a recoger firmas.

El sistema del quinto contenedor da como resultado, en el mejor de los casos, un reciclado del 35%. ¿Qué salida daremos al restante 65%? ¿La incineración?

La semana pasada, el Parlamento Europeo aprobó una moción en contra de quemar productos reciclables en las incineradoras y a favor de no construir incineradoras y vertederos de basura, poniendo como plazo el 2020.

Es un contrasentido, que los mismas opciones políticas que en Gipuzkoa están empeñadas en construir la incineradora, en el Parlamento Europeo estén en contra de su apertura y a favor del cierre de las ya existentes.

Ya está bien de intereses políticos, ¿cuando nos uniremos y abordaremos el problema desde su raíz para encaminarlo hacia una solución?

Por nuestra parte estamos abiertos al diálogo y extendemos una invitación para que éste se pueda dar, a todos los partidos políticos. Pero sobre todo la hacemos extensible a toda la ciudadanía Tolosaldea.

Una cita para finalizar:

“Nos esforzamos mucho en preparar para el futuro a nuestras hijas e hijos. Pero, ¿hacemos lo suficiente a la hora de preparar ese futuro? Larry Chalfan

Tolosa y Tolosaldea Zero Zabor

Bisita Hernanira

tolosazerozabor — Mon, 04 Jun 2012 08:13:52 +0000

Hernanira antolatu degun bisita gidatuaren berri emateko idazten dizugu.

EGUNA EKAINAK 10 IGANDEA

Plana hau izango litzake:

19:30tan Triangulotik AUTOBUSA 5€ kostatuko da joan etorria.

Bisita gidatua Pello Zubiriaren eskutik, Atez-ateko sistemaren nondik norakoak esplikatuko dizkigu, kamioiek hondakinak nola jasotzen dituzten ere ikusteko aukera izango degu.

Mokadutxo bat edo jango degu.

23:00 ak aldera Tolosara itzuli.

Interesatua bazaude, tolosazerozabor@gmail.com era mezua bidali izen abizen, e-mail eta telefono kontaktuarekin
Osteguna 7 rako.

Animatu zaitez baita ingurukoak ere!!